02/04/2010
დასრულდა სასტუმროს მშენებლობის ძირითადი სამუშაოები ბორჯომში

შ.პ.ს. ვანტმა დაასრულა ბორჯომში 5 ვარსკვლავიანი სასტუმრო კომპლექსის მშენებლობის ძირითადი სამუშაოები. მიუხედავად ფინანსურ კრიზისთან დაკავშირებული პრობლემებისა, მშენებლობა პრაქტიკულად შეუჩერებლად მიმდინარეობდა. კომპანია გადავიდა მოსაპირკეთბელი სამუშაოების შესრულებაზე.     ფოტოგალერეა

20/03/2010
დასრულდა ხიდის მშენებლობა ახალციხეში

შ.პ.ს. ვანტმა დაასრულა ხიდის მშენებლობა მდ. მტკვარზე ახალციხის რაიონის სოფელ წნისში. არსებული ძველი ხიდი ჩაინგრა 2009 წლის ნოემბერში. ვინაიდან აღნიშნული ხიდი ერთადერთია, რომელიც ადგილობრივ მოსახლეობას მდ. მტკვრის მეორე მხარეს არსებულ საძოვრებთან აკავშირებს, მისი რეაბილიტაცია ძალიან მოკლე ვადაში მოხდა.     ფოტოგალერეა

22/11/2009
ხიდის გახსნა გორში

დღეს, გორში ოფიციალურად გაიხსნა 130 მეტრიანი ხიდი, რომლის რეაბილიტაციაც შპს ვანტმა შეასრულა. ხიდის რებილიტაცია 10 თვის განმავლობაში მიმდინარეობდა. შეიცვალა ხიდის მალის ნაშენი.

გახსნის ცერემონიას საქართველოს გზების დეპარტამენტის თავჯდომარე ბატონი რამაზ ნიკოლაიშვილი, შიდა ქართლის გუბერნატორი ბატონი ლადო ვარძელაშვილი და გორის გამგებელი ბატონი დავით ხმიადაშვილი დაესწრნენ.     ფოტოგალერეა

10/05/2009
კომპაქტური ხიდები

შპს ვანტმა დაიწყო წარმოების მომზადება კომპაქტური დასაშლელ–ასაწყობი ლითონის ხიდების კონსტრუქციის დასამზადებლად, რომელიც საშუალებას მისცემს კომპანიას, რამოდენიმე დღის განმავლობაში დაამონტაჟოს ლითონის ხიდი. აღნიშნული ტექნოლოგია განსაკუთრებით საჭიროა მეწყერებისა და წყალდიდობების დროს.

შპს ვანტის მენეჯმენტი გეგმავს ლითონის კომპაქტური ხიდების კონსტრუქციის გამოშვებას საქართველოს და საერთაშორისო ბაზარზე მიმდინარე წლის ბოლომდე.

27/04/2009

კომპანია ემზადება 12 და 18 მეტრიანი რკინაბეტონის მალის ნაშენების გამოშვებისთვის. ეს მოვლენა საქართველოში უნიკალურია და ქართულ სამშენებლო კომპანიებს საშუალებას მისცემს, რომ თავიდან აირიდონ მალის ნაშენის საზღვარგარეთიდან ჩამოტანა რაც დაკავშირებულია მაღალ ფასებსა და დროის დიდ დანახარჯებთან.